الصفحة الرئيسية للاختبارات الشخصية
قصتي مع يسوع بدأت فجأة !!
في يوم من الأيام كانت عندي مشكلة صايره معايا وموضوع ابا اتخطّاه كنت اصلّي كل صلاة في وقتها واجلس وقت طويل ادعي فيه، وكان فيني قلق وتوتر وخوف ان الموضوع هذا ما ينتهي .
لين في يوم فقدت الأمل وحسّيت خلاص هذا الشيء ما راح يتحقق ابداً، وكان في حياتي صديق مُقرّب كنا نشارك بعض يوميّاتنا و نسولف دايماً، وفي يوم قبل ما انام شفت مقطع من فيلم كانت البنت تصلي ليسوع ونامت وصحيت ويسوع استجاب لها صلاتها. ابتسمت وقلت ياليتها بذي البساطة .
نمت وصحيت جداً متضايقة لأقصى درجة وكنت ابكي وصلّيت بإسم يسوع المسيح لأول مره، لأول مره وما حسّيت بنفسي، صلّيت قلت كل يلي في نفسي وقمت عادي كمّلت يومي، بعد يومين بالتحديد اتحقق الشيء يلي كنت ادعي واصلّي عشانه من ثلاث سنين، كانت صدمة ومفاجأة بالنسبة لي حسّيت بفرحة اول مره احس بيها، اتخيّلوا يوم تطلبو من شخص حاجة ويعطيكم هيّا قد ايش تفرحوا !!!
كان احلى يوم في حياتي، على طول قلت لصديقي المُقرّب عن الشيء يلي صار، اول حاجة قال لي هيّا شكرتيه على الشيء يلي حقّقه لك ؟!! قلت اكيد وسألت صديقي انتَ تؤمن بيسوع قال اي انا مؤمن فيه .
يالله قد ايش حسّيت براحة وفرحة الى الآن كل ما افتكر الشيء هذا افرح واسبّح وامجّد الرب، بعدها صرت ابحث وأقرا واحاول اطبّق التّعليم، وانا وصديقي كنا نتعلّم مع بعض ونتراسل في امور ديننا واتعلّمنا كيف نصلّي وندعي و نفهم كلامه .
والآن انا من المؤمنين والمتّبعين لهذا الدّين القوي الرائع الجميل، اتعلّميت اشياء واشياء جداً مبسوطة وممتنّة انّ الرب اختارني وخلّصني، وبصلّي وادعي انّه يخلّص كل احبابي واصدقائي .
مقالات مُشابِهة
الله يستخدم الناس العاديين
كيف يمكنك أن تكتب اختبارك الشخصي؟
قصة فهد
قصة منى
تبغى تتواصل مع مسيحي؟ تواصل معنا بكل امان الحين.
