يعني ايش الله أب صالح؟

مكتوب إن الله أب صالح .. يعني وش صالح؟ وصالح لمن؟

الله صالح إذا وعد يوفي

الله صالح يعني ما يغشّ وما يزوّر وما يأكل حق أحد وما يستغلّ أحد لمصلحة شخصية

الله صالح يعني ما فيه شرّ أبدًا

الله صالح للكل وفي كل وقت

“فَإِنَّهُ يُشْرِقُ شَمْسَهُ عَلَى الأَشْرَارِ وَالصَّالِحِينَ، وَيُمْطِرُ عَلَى الأَبْرَارِ وَالظَّالِمِينَ.”

يمكن حنا كبشر كثير نتعامل مع الآخرين بحسب أعمالهم، لكن الله أب ماهو منتظر مننا نعامله زين عشان يحبنا

صلاحه صفة متأصلة فيه والصلاح من طبيعته

صلاح الرب ينفع نتسند عليه طول الحياة لأنه ما يتغير

الرب صالح للجميع ومراحمه على كل ما خلق

الله ماهو رد فعل لأعمالي

ماهو لما أنا أصير زين يعاملني بالصلاح ولما أصير سيئ يتغير

لأن الله صالح يهتم بالدوافع والظروف والإمكانيات اللي حوالين أفعالي .. ماهو بيقيّم الظاهر بس، يعني يقدّر المجهود والأمانة والعمل، ماهو العمل بس

وهذا يعطيني أمان انه يفهم ويقدّر

صلاح الله نختبره ونذوقه وحنا نتعامل معه

الله أب صالح