ها الأرض العطشانة
مشقَّقة وتعبانة
منتظرة وعم بتنادي
لمين يرويها، بالعشب يغطِّيها
بحنانه يدفِّيها، عشان زهورها تطلَع…
وقلبي مثل ها الأرض
منتظر على هالدَّرب
منتظر شخص عابر
عشان أنّاته يسمَع…
انتظرتك يا هالفارِس
يلّي لأحلامي حارِس
وشوق عمري وسنيني عصَرت
وبكأس من البلُّور سكَبت
عشان بَريقه يسطَع…
وكم مرَّة فكَّرت إنّي لقيتَك
وركضت صوبَك
ورجعت بجروح وعيون عم تدمَع…
وفجأة لمعِت قدَّامي الحقيقة العظيمة
انتظرتَك سنين، وإنت واقف جنبي
عم تدِق على باب قلبي
وما لحقت أركض صوبَك
وأشدّ عليك بين ضلوعي
يا حبيبي يا يسوعي
لقيتك إنتَ الملهوف تشفيني
من كل الجروح والأوجاع، وتدفِّيني
تحرِّرني وتغيِّرني
تصيِّرني متل النَّجمة ألمَع…
عشان كده أنا قرَّرت
لصوتَك وحدَك يا حبيبي
لصوتَك وحدَك يا يسوع
أنا راح أسمَع…
مقالات مُشابِهة
شعر: بذكرى ميلادك ربي
شعر: سيد كل الشعوب
شعر: ابن آدم
تبغى تتواصل مع مسيحي؟ تواصل معنا بكل امان الحين.
