من أول اللحظات
إنت معي موجود
ما إنت اللي خالق هالكون
وفيك ومعك ابتدأ الوجود
ولا يوم تركتني
بكل درب ومشوار رافقتني
وبفكري القاسي وقلبي الظالم
أنا اتخطّيت الحدود
أخدِتني أفكاري لبعيد ورَمتني
ضاعت وضيّعتني
وصرت متل الغريق
عم خبّط وناطر خشبة خلاص
ولحتى ما إغرق عم إبذل أقسى مجهود
وبلحظة اللي أنا عجزت
على فكري إنت مرقت
فصرخت من أعماقي
أنجدني يا ربي المعبود
وبسرعة البرق انتشَلتني
وبحنان ما بينوصف غمرتني
سامحتني، حررتني، وغيرتني
ومن أول وجديد شكّلتني
فكيف معقولة ما قضّي عمري الباقي
بالشكر والصلاة والسجود
خلّصتني يا قدير
وحطّمت باب سجني
وكسّرت كل القيود
ومتل ما هالعمر معك ابتدأ
لآخر عمري
إنت معي موجود
مقالات مُشابِهة
شعر: يا نفسي هل تذكرين؟
شعر: سيد كل الشعوب
شعر: ابن آدم
تبغى تتواصل مع مسيحي؟ تواصل معنا بكل امان الحين.
