روحك ما تنزَع منّي، ونارَك ما تطفي فيّي
أعطيني ترنيمة جديدة وكلمات شي غنِّيِّة
بدونك يا ربّي أنا شو فقيرة، ومعك يا رب أنا شو غَنِيِّة
شو عظيم يا عظيم، الفَرق اللي عملتُه فيّي
بين مبارح وبُكرا، بدّي إسكَر بالرُّوح وما أُوعى من هالسَّكرة
بدونك عذاب وقَهر، ومعك أمان وعيشِة هنِيِّة
أنا إناء مكسور، وإنتَ لَملَمتُه برِضا وسرور
وجمَّعتُه من جديد ورجَّعتُه مليان
بيفيض حُبّ وشُكر وصَلاه، متل شي كَرمِة سَخِيِّة
لبَّستني ثَوب البِرّ، أنا العريانة البردانة المجبولة بالخطيِّة
قَوّي إيماني يا رب، وأعطيني حبِّة خردَل إيمان يزحزح الجبال
يغيّرني يحرّرني ويرجّعني متل طفلة بريئة طاهرة نقيِّة
يخلّيني شفّافة متل نهر جاري
أركُض وأركُض بين هالصخور، ووَلا بَحصة تعلَق فيِّي
مقالات مُشابِهة
شعر: وحدك إنت يا ربي
شعر: سيد كل الشعوب
شعر: ابن آدم
تبغى تتواصل مع مسيحي؟ تواصل معنا بكل امان الحين.
