ليش نعاقب الطفل إذا سوّا غلط؟
عشان مصلحته وعشان يتعلم من أخطائه ما يعيدها لازم هذا يكون في بالك في كل مرة يغلط طفلك وتجي تعاقبه. الطفل كائن وله مشاعر وأحاسيس إذا جيت تعاقبه خذه لوحده لا تعاقبه قدام الناس أو في مكان عام لأن هذا يأثر على نفسيته زي لما تكون بالعمل ويجي مديرك يبي يكلمك بشغل ما أنجزته أو كان فيه بعض الأخطاء هل تحب يكلمك قدام الموظفين ولا لوحدك؟ أكيد لوحدك لأن قدام الآخرين بيكون مُحرج لك نفس الشيء الطفل لا تحرجه قدام الناس وتكسر مشاعره.
ولما تأخذه لوحده قوله إنك تحبه وان هذا العقاب عشان سوّا كذا، علّمه ليش بتعاقبه خليه يعرف الغلط الي سوّاه وكلمه وانت نازل لمستواه.
والأهم من كذا اننا وحنا نعاقبه نوضح له السلوك الخاطئ ونعاقبه عليه، مثلاً لو الطفل كذب أو سرق ما أقول انت كذاب وانت سارق أقول الكذب غلط السرقة غلط نعاقبه عالسّلوك الي صار منه ونفهمه هذا هو سبب العقاب، وبعد ما يخلص العقاب المناسب قوله إنك تحبه وتتمنى ما يكرر هذا الغلط وايش المفروض كان سوّا في هذا الموقف.
الكاتبة: الأخت فرح الخليج
Mother of two children
مقالات مُشابِهة
لا تقارن طفلك بالآخرين
كن كريم وعلم أطفالك حب مساعدة الآخرين
الصلاة مع أطفالك
12 أمر يساعدك على تربية أطفالك بشكل أفضل
تبغى تتواصل مع مسيحي؟ تواصل معنا بكل امان الحين.
