لا تقارن طفلك بالآخرين

من أكثر الأشياء غير الصحية لنفسية الطفل هي مقارنته بالآخرين، إنك تعطيه إحساس انه هو مو كفاية والي يسويه مو كفاية وان الآخرين أفضل منه.

هذا كفيل انه يدمر ثقته بنفسه ويكون دايم قلق ومتردد وخائف ان الي يسويه ما راح يعجبك ولا يكون بالمستوى الي انت تبيه،
ان يعيش طول عمره في محاولة إرضائك والوصول إلى التوقعات الي لازم يحققها وفرضتها عليه انت، ودايم بيكون في حالة منافسة مع غيره ما راح يركز على كيف يكون مُنجز وكيف يستمتع بالأشياء الي يسويها بيكون دايم في محاولة إثبات ذاته،
وحتى علاقتك بطفلك راح تتأثر لأن راح يحس دايم انه مُخيّب آمالك وإنك تشوف الآخرين أفضل منه. في طرق كثير تعلّم الطفل فيها يكون أفضل ويسعى لتطوير نفسه بعيد عن المقارنة أو النقد القاسي. إذا أنجز طفلك شجعه وإذا كان مُتعثر بشيء معيّن ساعده وحاول تشوف ايش الأسباب، قوله دايم انه ذكي وانه مُبدع وحسّسه دايم إنك فخور فيه.

وبالنسبة لي حتى بين أطفالي لا أقارن لأن هذا راح يخرب علاقتهم كأخوة وتبدأ المنافسة بينهم على مين الأفضل وهذا غلط لا تقارن بين أطفالك ولا تقول لهم ان أحد أفضل من الثاني ولازم يكون مثله. فقط كافئ المُنجز على إنجازه والي مُتعثر ساعده وقوله المرة الثانية راح تكون أفضل حاول وبتكون أفضل وبكذا تكون عدّلت بدون مقارنه.

---

مقالات مُشابِهة

عاقب أطفالك بخصوصية، عاقبهم على السلوك الخاطئ
كن كريم وعلم أطفالك حب مساعدة الآخرين
الصلاة مع أطفالك
12 أمر يساعدك على تربية أطفالك بشكل أفضل

---