الصفحة الرئيسية للاختبارات الشخصية
قصتي مع يسوع بدأت فجأة !!
في يوم من الأيام كانت عندي مشكلة صايرة معايا وموضوع ابا اتخطّاه، كنت أصلّي كل صلاة في وقتها وأجلس وقت طويل أدعي فيه، وكان فيني قلق وتوتر وخوف ان الموضوع هذا ما ينتهي .
لين في يوم فقدت الأمل وحسّيت خلاص هذا الشيء ما راح يتحقق أبداً، وكان في حياتي صديق مُقرّب كنا نشارك بعض يوميّاتنا و نسولف دايماً، وفي يوم قبل ما أنام شفت مقطع من فيلم كانت البنت تصلي ليسوع ونامت وصحيت ويسوع استجاب لها صلاتها. ابتسمت وقلت يا ليتها بذي البساطة .
نمت وصحيت جداً متضايقة لأقصى درجة وكنت أبكي وصلّيت بإسم يسوع المسيح لأول مرة، لأول مرة وما حسّيت بنفسي، صلّيت قلت كل يلي في نفسي وقمت عادي كمّلت يومي، بعد يومين بالتحديد اتحقق الشيء يلي كنت أدعي وأصلّي عشانه من ثلاث سنين، كانت صدمة ومفاجأة بالنسبة لي وحسّيت بفرحة أول مرة أحس بيها، اتخيّلوا يوم تطلبوا من شخص حاجة ويعطيكم هيّا قد ايش تفرحوا !!!
كان أحلى يوم في حياتي، على طول قلت لصديقي المُقرّب عن الشيء يلي صار، أول حاجة قال لي هيّا شكرتيه على الشيء يلي حقّقه لك؟!! قلت أكيد وسألت صديقي انتَ تؤمن بيسوع قال اي أنا مؤمن فيه .
يالله قد ايش حسّيت براحة وفرحة، إلى الآن كل ما أفتكر الشيء هذا أفرح وأسبّح وأمجّد الرب، بعدها صرت أبحث وأقرأ وأحاول أطبّق التّعليم، وأنا وصديقي كنا نتعلّم مع بعض ونتراسل في أمور ديننا واتعلّمنا كيف نصلّي وندعي و نفهم كلامه.
والآن أنا من المؤمنين والمتّبعين لهذا الدّين القوي الرائع الجميل، تعلّمت أشياء وأشياء، جداً مبسوطة وممتنّة إنّ الرب اختارني وخلّصني، وبصلّي وأدعي انّه يخلّص كل أحبابي وأصدقائي .
مقالات مُشابِهة
الله يستخدم الناس العاديين
كيف يمكنك أن تكتب اختبارك الشخصي؟
قصة فهد
قصة منى
تبغى تتواصل مع مسيحي؟ تواصل معنا بكل امان الحين.
