ليش بدِّي خاف من الأيَّام
وصَدِّق أخبارَك يا شرِّير
إتعذَّب وإفقِد السَّلام
وأُنطُر شو بدُّو يصير
وحتَّى ولو شو ما صار
مش رح إفقد سلامي
ومش رح إغرق بأحزاني
بالعكس رح نام مرتاحة وإغفى بكِّير
بقى بشو عم تهدِّدني إنتَ يا شرِّير
شو ناسي إنِّي بحِمى القدير؟ّ!
بالمرَض يسوعي هوِّ الشَّافي
وبالجوع والحرب والدّموع
هوِّ الأب والحضن الدَّافي
حتَّى لمَّا إرتكب خَطيِّة
بيضَلّ يحبّني وما بيجافي
يسوعي هوِّ أغلى ناسي
وشوقي إلُو وَحدُه
والموت مجرَّد عُبور ونهاية المآسي
هونيك رح يمسح الدّموع
وأحزاننا رح يواسي
مع رَبِّي الغَني مش معقولة عيش فقير
ومعُه حتَّى القليل بيفيض وبيصير كتير
بقى روح من قدّامي وما تعذِّب أفكاري
لأنَّك كذَّاب ومصدَر كل شَرّ إنتَ يا شرِّير
مقالات مُشابِهة
شعر: بذكرى ميلادك ربي
شعر: سيد كل الشعوب
شعر: ابن آدم
تبغى تتواصل مع مسيحي؟ تواصل معنا بكل امان الحين.
