ترنيمة كنا نزين شجرة صغيرة

الصفحة الرئيسية لكلمات التراتيل

شوف الفيديو على يوتيوب

كِنَّا نزَيِّن شَجرة صغيرة ونعَلِّق فيها جراس
علَيها نجوم بيِلمَع لَونا بيِلمَع مِتل الألماس
مَليانِة تَلج ومَليانِة ملَبَّس أبيَض بكياس
يا جراس وَعِّي النَّاس للقِدَّاس يا جراس
يا جراس اللَّيلة عيد وَعِّي النَّاس

كان علَيها مسابِح زَرقا وشَمع صغير ولَمبات
حَمرا وصَفرا تضَوِّي وتِطفِي بتِشبَه ضَوّ الطُّرقات
بَين غصونا شرايِط فِضَّة ورَفّ طيور وبالونات
يا جراس وَعِّي النَّاس للقِدَّاس يا جراس
يا جراس اللَّيلة عيد وَعِّي النَّاس

نِقعُد حَدَّا نطَلِّع فيها نلاقي في علَيها قلوب
مِيِّة طابِة حَمرا نِفزَع إنُّو تُوقَع وتِدوب
فَوقا كَرت صغير ملَوَّن وبقَلبُه في مَكتوب
كِلّ عيد وإنتو بخَير.. إنتو بخَير.. إنتو بخَير
كِلّ عيد وبَلَدي بخَير.. بَلَدي بخَير

كِلّ عيد وبَلَدي بخَير.. بَلَدي بخَير

---